(Info: FEB) Achégase o final do circuíto Herbalife 3×3 Series 2023, e os equipos apuran as súas opcións de clasificarse para o ansiado Máster Final.
Durante os próximos días 14 e 15 de xullo, a cidade de A Coruña acollerá a última proba de carácter Open do ano, que se disputará na Explanada de Riazor, co mar como testemuña de mellor baloncesto 3×3.
Os equipos que van disputar a proba atópanse ante a súa última oportunidade de obter o billete a Tenerife para pelexar por coroarse campións do circuíto 2023. Coa clasificación xeral moi apertada, os puntos que se van a repartir na Coruña antóllanse vitais para coñecer que equipos viaxarán á gran final, e quen quedará ás portas desta.
Ademais, a cita contará con xogadores de alto nivel, como Daniel da Rúa, que diputará a súa segunda proba da tempada tras Zaragoza, ou Cecilia Muhate, que tras un verán de moitos compromisos coa Selección 3×3, fai a súa primeira aparición o circuíto este 2023.
Desta forma, o cadro masculino contará con dezaseis equipos: Básquet Girona, Azuqueca 3×3, Santfeliuenc, Valencia Basket 3×3, La Celeste, 3×3 Pitius, 3×3 Electromercantil, RBA 3×3, Valobra Be Goat Team, KB 3×3, UEMC 3×3, Nomadball, Pando Mataro, Animals Plasencia, The inútiles e Softee Sta Baia 3×3. Mentres, o cadro feminino estará formado por Basquet Girona, Auga e Xardín 3×3, 3×3 Electromercantil, Azuqueca 3×3, UEMC 3×3, Valencia Basket 3×3, La magia, Woka On Three, Panitas e PJV´s.
