3×3 Camiño a Compostela

O 3×3 FGB abrirá a temporada Camiñando a Compostela. A Federación Galega de Baloncesto pon en marcha a I Edición do 3×3 “Camiño a Compostela”.

Gracias a colaboración directa do Concello de Santiago, os vindeiros 1, 2 e 3 de setembro, o 3×3 será o protagonista dun evento con triple vertente:

Venres, apertura a pé.

A primeira xornada do 3×3 “Camiño a Compostela” permitirá peregrinar con nós ata o epicentro de Compostela, a Paza do Obradoiro. En horario de tarde, xunto aos equipos participantes que así o indicaron no momento da súa inscrición, poñeremos rumbo a Catedral para realizar a apertura dunha fin de semana completa.

Sábado, balón e premios en xogo

A xornada central do “3×3 Camiño a Compostela” será a do sábado, 2 de setembro. Durante todo o día viviremos a competición 3×3 na praza exterior do Centro Comercial Área Central.

Poranse en xogo dúas categorías mixtas: Sénior e Júnior (INSCRICIÓN ABERTA) e Cadete e Infantil (INSCRICIÓN PECHADA). En ambos os casos os gañadores veranse recompensados cun premio de 200 euros en material deportivo.

Unha fase de grupos clasificatoria a unha volta e as posteriores cruces, configurarán o formato de xogo.

As prazas dispoñibles para participar son un total de 12 equipos por categoría, rexistrándose por rigorosa orde de inscrición. Os equipos poderán estar conformados como máximo, de 4 xogadorxs. 

Domingo non competitivo

O “3×3 Camiño a Compostela”  abrirase a todas as categorías ( dende preminibasket ata sénior), nun marco non competitivo, na xornada do domingo, 3 de setembro

Esta xornada, de carácter lúdico, terá tamén lugar na praza exterior de Área Central, e non conta con límite de prazas para a participación.

Neste caso, o 3×3 tamén será mixto e poderán participar equipos non presentes na xornada do sábado ou aqueles que desexen facelo en ambas as datas.

Inscrición

A Inscrición está XA PECHADA para ambos os días de evento!