A Federación Galega de Baloncesto, en colaboración co Colexio Carmelitas, promove en Ourense unha nova convocatoria da súa programación didáctica, neste caso baixo o formato xa coñecido de “Seminario de Técnica Individual”.
O vindeiro 19 de marzo, con sede no Pavillón do propio Colexio Carmelitas, celebrarase este Seminario co obxectivo de reunir aos adestradores e adestadoras galegas nunha actividade na que os referentes serán César Iglesias, Director Técnico en Novobasket Vigo; e David Barrio; Seleccionador Cadete Feminino de Castilla León.
Ambos técnicos convidados compartirán cos asistentes un tempo (10.30 h e 12.00 h) formativo e de interacción, tanto teórica como práctica, que xirará en exclusiva en torno ao concepto base que centra este Seminario: a técnica individual.
César Iglesias: “Aplicacións do manexo de balón na Técnica Individual”.
David Barrio: “Progresión no adestramento específico do tiro”.
Inscrición
A inscrición neste “Seminario de Técnica Individual” deberá realizarse do xeito habitual (vía email a adestradores@fegaba.com) antes do 15 de marzo. Esta data será a última na que se recibirán as solicitudes de participación, nas que os interesados e interesadas deben engadir o seu nome e club de referencia.
Validación
Os alumnos dos Cursos de Adestradores FGB que tomen parte deste Semininario poderán sumar ao seu expediente individual un total de 8 horas de formación complementaria.