CD Calasanz organiza o seu “I Clínic Formación Continua CD Calasanz”. O vindeiro mércores, 6 de decembro; no propio pavillón do colexio Calasanz, o club herculino ofrece esta proposta formativa de nivel e completa en canto á materia.
Encabezan a mesma, como relatores principais, Iago Mariñas (Seleccionador Galego Minibasket e Adestrador en Básquet Coruña) e Lino López (Adestrador BAXI Ferrol).
Ambos impartirán cadansúa sesión didáctica, no marco dunha programación que se completa cos seguintes horarios e máis actividades:
09:00 h. Recepción
09:30 h. Lino López – “Xogar ao Ritmo Elevado dende a defensa en formación”
11:00 h. Almorzo
11:30 h. Iago Mariñas – “Conceptos Ofensivos e ritmo en etapas Minibasket e Infantil”
13:00 h. Mesa Redonda.
A última actividade da xornada, a indicada mesa redonda, contará coa intervención de Francisco Souto Cobelo, Jorge Mosquera, Armando Polo e Marcos San Luis.
Inscrición
Todas aquelas persoas interesadas en tramitar a súa inscrición (15 euros) poden realizala a través da seguinte ligazón.
Validación
O alumnado da EGA poderá computar a súa participación neste I Clínic de Formación Continua CD Calasanz por un total de 10 HORAS de formación continua.