As Delegacións FGB en Ourense e Coruña abren sendas convocatorias didácticas orientadas á iniciación para adestradores. Marcadas en ambos os casos para realizarse de xeito completo durante o mes de febreiro, e coa carga lectiva correspondente ao nivel de iniciación indicado para esta temporada 2017 – 2018, esta dobre cita coa formación articularase baixo o seguinte programa:

Fase Presencial

Delegación Coruña: 10, 11 e 12/02/18 (Sede: Colexio Compañía de María. A Coruña.). Prazo de inscrición: aberto ata 05/02/18.

Delegación Ourense: 10, 11 e 12/02/18 (Sede: por confirmar). Prazo de inscrición: aberto ata 05/02/18.

Fase non presencial e avaliativa

En ambos os casos, a realizar nas tres semanas posteriores: do 13 ao 28 de febreiro a través da Plataforma de Formación online FGB, ferramenta que será dada a coñecer aos alumnos durante o propio transcurso das aulas presenciais. 

Inscrición
Como parte do proceso instaurado de xeito oficial, os interesados en tramitar a súa inscrición deben xestionala a través das respectivas Delegacións. Para completar o proceso é necesario:

1. Executar o pago da cota de preinscrición (200 euros – Caixabank: ES96 2100 1455 14 0200227406), taxa que inclúe matrícula das convocatorias ordinarias, docencia, atención titorial, certificación de diplomas, documentación do curso e material didáctico.

2. Envío, vía mail, do xustificante do ingreso, así como do formulario de inscrición: delegacioncoruna@fegaba.com / delegacionourense@fegaba.com

Formulario Preinscrición Formación en Iniciación Adestradores: 2017 – 2018
Programa de Bolsas de axuda económica “Tono Lagares”: 2017 – 2018
Formulario solicitude Bolsas “Tono Lagares”: 2017 – 2018
Formación en Iniciación Adestradores: Normativa 2017 – 2018