O programa “Aula Formativa do Adestrador” despide a temporada este sábado, 8 de xuño; e faino visitando a vila de Rianxo.En colaboración co CB Rianxo e co Concello local, a área de adestradores FGB programa unha nova concocatoria deste formato “aula” contando, nesta ocasión, cos técnicos Carlos Maceiras e Román Gómez como protagonistas.

 O Pavillón municipal de Rianxo acollerá sendas ponencias de ambos os dous técnicos, rexistrando cada unha delas un horario e temática específica.

(10.30 h) Carlos Maceiras (Director Técnico CB Sarria)
“Xogo reducido en situación de 3×3”

(12.00 h) Román Gómez (Básquet Coruña)
“Estratexias Metodolóxicas do 1×1”

Inscrición
Todos os interesados en participar desta nova “Aula Formativa” poden solicitar a súa inscrición vía mail a adestradores@fegaba.com remitindo identificación persoal e o club de procedencia, datos importantes á hora de poder contar coa posterior validación formativa desta actividade, a cal computará por un total de 8 horas de Formación Complementaria.