Os Clubs federados de Baloncesto poderán beneficiarse de importantes vantaxes en servizos bancarios grazas ao acordo establecido este martes, 19 de marzo, pola Unión de Federacións Deportivas Galegas (UFEDEGA) e o Banco Santander.
Na sede da Real Federación Galega de Fútbol, ambas entidades, representadas por Rafael Louzán, presidente de UFEDEGA; e Luis Pernas e Avelino Carballo, director da Banca Institucional e director de Empresas de Galicia do banco, rubricaron un convenio que permitirá aos clubs galegos beneficiarse dunha ampla oferta de produtos e servizos de pasivo do Banco Santander.
Entre os produtos ofertados pola entidade bancaria atópanse beneficios en contas bancarias, cobros e medios de pago (TPV, pasarela de pagos e Bizum). Desta forma, a UFEDEGA dá solución a unhas das demandas que viñan expoñendo as entidades deportivas.
Á rúbrica do acordo asistiron tamén: Bruno López, vicepresidente da UFEDEGA, o noso presidente FEGABA E Secretario da UFEDEGA, Julio Bernárdez, ; e os vogais Óscar Lafuente e Alfredo Bea. Estivo tamén presente Francisco Fernández, Director de negocio adquirinte GetNet do banco.
Como acceder ás vantanxes!
Para acceder á información completa do acordo e ao documento do convenio, os clubs poden facelo vía web da UFEDEGA, na seguinte SECCIÓN. A través deste apartado pódese descargar o ANEXO II do propio convenio, cubrir os datos requeridos e envialo ao correo electrónico indicado no mesmo. Nun prazo de 2-3 días estarán adherido as vantaxes ofertadas.