O Club Baloncesto Nigrán presentou esta mañá, no CEIP Plurilingüe Humberto Juanes, unha nova edición do Torneo Solidario BASKET SEN BARREIRAS, que se realizará o luns día 25 e o martes día 26 no pavillón Municipal de Panxón e no que colaboran a Federación Galega de Baloncesto, a Federación de Deporte adaptado, o Concello de Nigrán, así como o centro Juan María e o Club Baloncesto Iberconsa Amfiv de Vigo (baloncesto en cadeira de rodas) e a Fundación Social LA CAIXA. Todos eles, xunto a David Gil e as directoras e directores de todos os centros educativos de Nigrán estiveron presentes na rolda de prensa desta mañá.
Trátase xa da VIII edición deste torneo, que ten un dobre sentido: romper obstáculos sociais a través do deporte e recadar fondos para colaborar, nesta ocasión, coa FUNDACIÓN FRANGIL CONTRA A LEUCEMIA.
A Asociación FRANGIL leva o nome do pai e o irmán do seu presidente David Gil, falecidos ambos por culpa da leucemia e foi creada no año 2017 para amparar todas as accións realizadas en pro da doación de medula ósea e de sangue do cordón umbilical, para que as persoas con enfermidades hematolóxicas teñan unha nova oportunidades de saír adiante atropando un doante compatible non emparentado.
O inicio da súa actividade remóntase ao ano 2009, cando David Gil o recorreu en 10 días máis de 500 km, unindo os 7 hospitalizados de Galicia o de se formalizan os novos rexistro de doantes de medula ósea na Comunidade Autónoma Galega.No ano 2010 nace a primeira Marcha Solidaria “700 Camisetas Contra a Leucemia”. Dende entón realizan multitude de proxectos para seguir transmitindo a súa mensaxe de regalar vida en vida.
Accions Solidarias
Cada xogador/a participante realizará un donativo a modo de inscrición que será depositado na urna que se atopará no pavillón durante os dous días de torneo. Todas as familias de xogadores/as, así como o resto de persoas asistentes poderán colaborar tamén con este fin solidario achegando o seu donativo na devandita urna. Durante os dous días de torneo realizaranse tamén diferentes sorteos entre todos os asistentes. Todo o recadado será entregado á Asociación FRANGIL.
Como novidade desta edición, esa urna solidaria percorrerá, durante a semana previa ao Torneo, todos os centros educativos de Nigrán para que todas aquelas familias e profesores que queiran achegar o seu donativo poidan facelo.
O torneo desenvolverase os dous días en horario de mañá e tarde, habilitando 3 pistas no pavillón nas que xogarán os equipos dos diferentes clubs participantes, entre os que se atopan Porriño Baloncesto Base, Obradoiro CAB, C.D.Miralba, Apóstol Vigo, entre outros
Todos os encontros contarán con árbitros do Comité da Federación Galega de Baloncesto que, como xa vén sendo habitual en edicións anteriores, colaboran de forma desinteresada no torneo.
O comercio local colabora tamén con esta iniciativa facendo a súa achega económica. Entre eles, Restaurante Capone, Cafetería Rosita, Bar Michigan, Área Sport, cafetería Malabar Beach Panxón, ou Bocatería Lalos.
Durante a rolda de prensa a Directora deportiva do CB Nigrán salientou a importancia da liña deportiva do club, “que vai sempre acompañada de actividades de carácter social co fin de sensibilizar á sociedade da necesidade de traballar estes aspectos”.
Pola súa banda, o alcalde Juan González animou a facerse doantes de medula: “non é doloroso, é igual de simple que doar sangue, e a cambio sálvanse vidas”.
