Con Zamora Enamora e Odilo FC Cartagena loitando polo título no Pavillón Ángel Nieto (Zamora) o 20 de xaneiro, a Copa LEB Prata 2024 coñece xa o equipo arbitral que dirixirá a súa Final, un equipo no que estará o noso colexiado CGAB, Manuel Seijo (FGB).
Manuel e o seu compañeiro nesta designación, o colexiado andaluz José Carlos Sierra Carrillo; contan con sobrada experiencia na categoría durante as recentes temporadas e, nesta ocasión, estarán acompañados no encontro polo comisario David Mendoza, quen realizará as súas funcións desde a mesa de anotadores.
A Final dará comezo ás 19:00 h deste sábado 20 e poderemos seguila en directo a través da canle oficial de Twitch da Federación Española de Baloncesto.
