Esta actividade encádrase no calendario de eventos formativos que a Escola Galega de Adestradores promoverá esta temporada 23 – 24, e que serán válidos para o cumprimento da Formación Complementaria dos Cursos de Adestradores FGB.
A Escola Galega de Adestradores activa, en colaboración co Básquet Coruña e o Concello da Coruña, un “Seminario Monográfico” dirixido aos adestradores e adestradoras galegas. A cita está programada para o vindeiro sábado, 30 de setembro.
Coa Polideportiva de Riazor como escenario, o formato deste novo “Seminario Monográfico” permitirá ser partícipes de dúas sesións diferentes da man dos técnicos galegos Román Gómez, adestrador axudante en Leyma Coruña; e Iago Castro, adestrador en categorías base do CD Bosco.
A actividade abrirase ás 10:30 h coa intervención de Román, collendo xa a testemuña Iago a partir das 12:30 h.
Validación
Esta nova edición do “Seminario Monográfico” computarase como formación complementaria precisa para os alumnos dos Cursos da Escola Galega de Adestradores ou como 8 HORAS de FC.
Inscrición
INSCRICIÓN PECHADA.