A Copa Deputación de Pontevedra na súa categoría Infantil pechou esta fin de semana as competicións oficiais FBG para a temporada 2012- 2013.
Celebrando este sábado, 15 de xuño, as dúas finais que lle restaban, esta competición recoñeceu como novos campións infantís a Soleira Cortegada, no apartado das féminas, e a C.B. Dorna en categoría masculina.
Os encontros decisivos que fixeron campións a ambos equipos disputáronse en Cambados e en Ponteareas, respectivamente. E para a súa celebración e, rubricando de novo o seu compromiso e apoio ao Baloncesto, contouse coa colaboración e presenza da Deputación de Pontevedra.
Así, e desfrutando tamén do bo xogo dos catro equipos finalistas, contouse coa presenza en Cambados da Deputada Provincial de Deportes, Begoña Estévez; que estivo acompañada polo Vicepresidente FGB, Alberte Zato; e o Delegado FGB na zona de Arousa, Jose Luis Renda.
Pola súa banda, remarcar tamén a participación, en Ponteareas, do concelleiro de Deportes da vila, Alberto Novoa, que tomou parte da entrega de trofeos, xunto ao Presidente FGB, Francisco Martín; e o responsable federativo en Vigo, José Luis Pérez.
Os resultados deportivos das finais sucedéronse do seguinte xeito:
Final Copa Deputación de Pontevedra Infantil Feminina
Soleira Cortegada – La Academia Celta (55 – 47)
(18.00 h. Pavillón do Pombal. Cambados)
Final Copa Deputación de Pontevedra Infantil Masculina
Golosinas Meloso Seis do Nadal – C.B. Dorna (64 – 70)
(18.00 h. Pavillón Municipal Álvaro Pino. Ponteareas
