#Mini2014: Galicia Feminina, en Semifinais e Galicia Masculina, na loita polo ascenso

A xornada deste luns no XXVII Campionato de España de Seleccións Autonómicas Minibasket trouxo consigo ledicia por partida doble: #Mini2014: Galicia Feminina, en Semifinais e Galicia Masculina, na loita polo ascenso

 A primeira alegría chegou da man do combinado feminino. O equipo de Nacho Silva culminou unha fase de grupos sobresaínte, asinando esta mañá, ante Navarra, un merecido posto en SemifinaisA súa sorte nesta rolda dilucidarase mañá, martes, a partir das 15:30 h ante Andalucía. A outra semifinal será empresa para Cataluña e Comunidad de Madrid (13:30 h).

No apartado masculino, e tras caer pola mañá ante Aragón nun dos partidos máis emocionantes do que se leva de Torneo, os xogadores de Fernando Buendía repuxeron folgos e rubricaron no seu partido da tarde, ante Murcia, o pase aos cruces polo ascenso a Grupo Especial. Para acadar este premio veranse as carás mañá, martes, ante Castilla León (17:30 h).

SELECCIÓN GALEGA MINIBASKET FEMININA. Grupo Especial “A”

(Galicia, Aragón, Navarra, Cataluña e Canarias)

14/04/2014 – 4º Xornada

(09:30 h) Galicia – Navarra (77 – 33)

O primeiro dos dous partidos que a selección mini feminina disputaba este luns enfrontábaas a Navarra. Unha vitoria certificaría o pase a semifinais para as galegas.

As navarras, no entanto, saíron a pelexar cada posesión e poñelo moi difícil. Concentradas e realizando un gran traballo desde o inicio, as de Nacho Silva foron aos poucos abrindo distancia no marcador e achegándose ás semis.

Na segunda parte, as navarras sufriron aínda máis para poder anotar, mentres as galegas continuaban co mesmo nivel de esforzo e concentración, o que fixo que ampliasen a diferenza ata o 77-33 final.

(09:30 h) Canarias – Cataluña (38 – 63)

14/04/2014 – 5º Xornada

(17:30 h) Cataluña – Galicia (54 – 44)

Pola tarde enfrontámosnos/enfrontámonos a Cataluña. Xa clasificadas para o cruzamento de semifinais, e coa primeira praza do grupo en xogo.

Cataluña, como é habitual, puxo un ritmo moi alto e defendeu con agresividade desde o primeiro minuto. Tras superar as dúbidas iniciais, as galegas foron capaces de competir a un moi bo nivel.

A solidez das galegas permitiulles aguantar no partido nos momentos de desacerto en ataque, pero aínda así Cataluña colleu unha renda de 15 puntos antes do descanso.

Nos tres últimos parciais, non só seguimos pelexando, senón que os gañamos. Intensas, concentradas e facendo un gran sacrificio, as galegas deron unha gran imaxe e esperan as semifinais con toda a ilusión do mundo. A competir!!

(17:30 h) Aragón – Canarias (52 – 44)

 

SELECCIÓN GALEGA MINIBASKET MASCULINA. Grupo Preferente “C”

(Galicia, Ceuta, Aragón, Melilla e Región de Murcia)

14/04/2014 – 4º Xornada

(11:30 h) Melilla – Ceuta (60 – 8)

(11:30 h) Galicia – Aragón (96 – 97)

(19-4, 33-17, 52-25, 68-40, 74-64, 83-83//96-97)

Galicia saíu conectada a un encontro que dende o inicio presentou un intenso nivel defensivo e dinamismo en ataque, sinais de identidade do combinado que dirixe Fernando Buendía.

Esta vehemencia defensiva fixo que o equipo galego conseguira anotar con facilidade a través de rápidas transicións e contraataques, abríndose así as primeiras diferencias no marcador.

O segundo e terceiro sexto serviron para prolongar o bo xogo ofrecido polos nosos, chegando a referendalo cunha diferencia que no descanso alcanzaba os 27 puntos a favor.

Tras o descanso, o combinado galego continuou a aplicar unha boa dinámica, pero o equipo aragonés resistía a base de mellorar en concentración e xogo. Esta forte oposición rival provocaba que as diferenzas no electrónico non aumentasen. Os síntomas de recuperación na Selección de Aragón facíanse evidentes.  

Entrados no cuarto 6º, Galicia continuaba vendo crecer sobre a pista, e no marcador, ao equipo aragonés. Unha situación á que contribuían erros e imprecisións galegas que se materializaban tanto ofensiva como defensivamente.

As distancias, polo tanto, acurtáronse rápido, e ao igual que na primeira parte, pero cos papeis invertidos, Aragón facíase co xogo ata conseguir igualalo.

Os instantes finais foron dunha elevada carga emotiva, con constantes alternancias no marcador e chegando ao final do encontro con empate a 83 puntos. A prórroga ditaría sentencia.

Neste minutos extra mantívose o balance, volvendo a forzar un final moi igualado. A falla de sete segundos o equipo galego conseguiu poñerse cun punto de vantaxe. Entón, tras tempo morto, Aragón poñía o balón en xogo conseguindo lanzar a canastra e errando o tiro. Favorecidos aquí polo rebote, intentábano de novo anotando, agora si, a canastra decisiva que lles daba unha apurada vitoria.  

14/04/2014 – 5º Xornada

(19:30 h) Región de Murcia – Galicia (52 – 97)

7-10//17-25//34-40//38-56//44-74//52-97

Afrontaba o combinado galego o seu último partido da fase de grupo xogándose a posibilidade de pasar as semifinais da competición preferente e loitar, polo tanto, pola posibilidade dos cruces para o ascenso de categoría. 

O partido era crucial e iso deixouse notar dende o inicio, establecéndose unha igualdade que sería preciso romper canto antes para asegurar o mellor resultado posible.

Non foi ata o cuarto período onde Galicia, baseándose, unha vez máis na súa habitual intensidade en defensa, foi quen de marcar as primeiras diferencias no electrónico. Estes bos números, e o paso dos minutos, fixeron gañar confianza aos galegos na súa parcela ofensiva. Moi acertados neste ámbito proseguiron coa suma de puntos precisa para, progresivamente, firmar un trunfo (52 – 97) que os situaba nas Semifinais da categoría Preferente.

(19:30 h) Aragón – Melilla (85 – 35)

Selección Galega Minibasket Feminina
Selección Galega Minibasket Masculina
XXVII Campionato de España de Seleccións Autonómicas Minibasket: calendario

Comparte:

Facebook
LinkedIn
Email
WhatsApp
Telegram