XVI Campus Baloncesto PBB

Porriño Baloncesto Base trae ata o mes de xuño, unha temporada máis, o seu Campus de Baloncesto, celebrando este ano a súa décimo sexta edición.

Marcado para realizarse entre os días 23 e 28 do presente mes, na propia localidade de Porriño, esta nova convocatoria de Campus oriéntase a un total de 300 nenos e nenas de entre catro e quince anos, cubrindo estas prazas por estrita orde de chegada das solicitudes.

Cunha atractiva oferta de Baloncesto (adestramentos, competicións e xogos) e unha renovada gama de actividades de ocio (excursións, diversión ao aire libre e piscina, entre outras), os participantes estarán baixo a tutela de experimentados adestradores e coordinadores. A dirección global do Campus correrá a cargo de Darío Martínez Méndez, adestrador superior.

Inscrición

Porriño Baloncesto Base mantén aberto o prazo de inscrición para este XVI Campus Baloncesto PBB ata o vindeiro 15 de xuño, ofrecendo ata esa data toda a información e atención necesaria a través do seguinte enderezo electrónico: campus16pbb@yahoo.es

XVI Campus Baloncesto PBB: Tríptico información e inscrición

Comparte:

Facebook
LinkedIn
Email
WhatsApp
Telegram