O Comité Galego de Árbitros activa un amplo dispositivo técnico no que aunar formación, competición e convivencia, todo nun especial escenario escollido para este propósito: o XII Memorial Miguel Ángel González Estévez, organizado en Vilagarcía polo C.L.B.
Ao longo das tres xornadas nas que se estende o XII Memorial Miguel Ángel González Estévez (27, 28 e 29 de marzo), un total de 19 colexiados galegos de diferentes niveis e dous árbitros convidados procedentes do Comité Asturiano, serán protagonistas dunha nova “Xornada Técnica CGAB”.
Baixo a tutela de catro técnicos CGAB, os colexiados designados participarán dun compendio de actividades que aglutinan: a dirección dos máis de 70 encontros en xogo no torneo, a posterior análise da súa actuación e o traballo e debates extra en torno a cuestións puntuais.
Apostando de novo por este sistema de concentración, o CGAB suma con este XII Memorial Miguel Ángel González Estevez unha oportunidade máis na que seguir afondando na continua aprendizaxe e reciclaxe dos seus integrantes. Desta volta, ademais, gracias á colaboración do clubes promotores A.D. Cortegada, Liceo e BBC.
Na lista que achegamos remitimos, segundo a data, as designacións desta Xornada Técnica.
Xornada Técnica CGAB – XII Memorial Miguel Ángel González Estevez
