Chega a X Edición do Campus A.D.F.R.O, que terá lugar os próximos 25, 26 e 27 de marzo e está dirixida a nenos e nenas de entre 7 e 17 anos que desexen gozar coa práctica do Baloncesto.
A.D.F.R.O regresa co seu tradicional campus de Semana Santa, celebrando neste 2013 a súa X edición co habitual, e non por iso menos importante, obxectivo de promocionar e difundir o baloncesto entre os mozos da súa zona e área de influencia, desenvolvendo e mellorando os seus fundamentos técnicos sobre o basket.
O campus celebrarase na Coruña nos días previos a Semana Santa, catro xornadas nas que ofrecer: adestramentos específicos, grupos de perfeccionamiento e diversión. Todo iso combinado con infinidade de actividades alternativas, competicións e concursos.
O Corpo Técnico encargado de xestionar o desenvolvemento deste X Campus contará coa presenza de importantes colaboradores e adestradoresconvidados chegados de equipos procedentes de diferentes puntos da xeografía española. Un aliciente máis para animarse a participar.
Inscrición
O prazo de inscrición deste X Campus atópase xa aberto e estenderase ata o próximo 23 de marzo, data tope. A cota de inscripción establécese nos 25 euros, cantidade a ingresar na conta 2100 2323 93 0200089271 de “la Caixa” e que dá dereito a diploma acreditativo e a tres merenas. Os participantes contarán, á súa vez, con seguro de responsabilidade civil.
Os detalles ao completo poden consultarse no documento que se achega.
