Chega unha nova edición para a “Xornada de Harmonización do Minibasket Galego”. Por sexta temporada consecutiva, a área deportiva FGB aposta por unha cita na que abordar o Minibasket dende múltiples puntos de vista coa implicación de protagonistas pertencentes a diferentes áreas de actuación no marco do baloncesto e da práctica deportiva en xeral.

O Colexio Manuel Peleteiro, como estreito colaborador da FGB, será o epicentro desta VI Xornada de Harmonización, a celebrar o vindeiro domingo, 18 de marzo. As instalacións do centro educativo de Santiago de Compostela acollerán as actividades programadas, repetindo, de seguro, o grao de satisfacción recollido nas pasadas edicións tanto dos participantes como dos pais e público asistente.

A convocatoria de traballo, que se estenderá durante toda a mañá do domingo; contará coa participación de 20 adestradores, 171 xogadores e os seus familiares, parte imprescindible tamén do evento.

Entre todos, e con oco para as diferentes visións do Baloncesto en categoría Minibasket, darase vida ao seguinte cronograma:

ADESTRAMENTOS DE TECNIFICACIÓN – 09:15 h – 14:00 h

Xeración 2008

(09:15 h) Chegada e entrega de documentación.

(09:45 h -11:15 h) Adestramento.

(11.30 h) Foto oficial.

(11:45 h) Charla – coloquio.

(13:45 h) Recollida.

Xeración 2009

(10:30 h) Chegada e entrega de Documentación.

(11:15 h – 12:30 h) Adestramento.

(12:30 h) Foto oficial.

(12:45 h) Charla – Coloquio.

(13:45 h) Recollida.

Xeración 2010

(11:00 h) Chegada e entrega de documentación.

(11:15 h) Foto oficial.

(11:30 h) Proxección de vídeo.

(12:30- 14:00 h) Adestramento.

(14:00 h) Recollida.

CHARLA- COLOQUIO. 11.30 h – 13:30 h

Rubén Domínguez (Psicólogo Deportivo e Adestrador A.D. Cortegada- Liga Feminina 2).

Arantxa Mallou (Xogadora CB Arxil – Liga Feminina 2).

Leticia Fernández (Responsable Área Saúde FGB).

Guillermo Ríos (Árbitro FEB).

Tito Díaz (Adestrador profesional e Seleccionador Galego Cadete Masculino).

Xeración 2008 Masculina
Xeración 2008 Feminina
Xeración 2009 Masculina
Xeración 2009 Feminina
Xeración 2010 Masculina
Xeración 2010 Feminina