Jota Cuspinera, Miguel Ángel Ortega, Tito Díaz e Javier Llorente visitan este domingo, 5 de xuño; a vila de Marín no marco do “V Claustro Docente FGB”.

A presenza dos catro técnicos na vila, así como a realización desta nova edición do Claustro poderá leváse a cabo grazas a colaboración de Concello de Marín e CB. Marín Peixegalego.

Inminente nova edición para o Claustro Docente FGB. Este domingo en Marín (Pavillón Municipal A Raña) ; a Área Deportiva FGB reúne a catro grandes profesionais do baloncesto nacional para dar forma á quinta edición do seu particular “Claustro”.

Os técnicos Javier Llorente, Tito Díaz, Miguel Ángel Ortega e Jota Cuspinera, comparecerán en Marín como os catro relatores de excepción para esta actividade, a cal da un paso máis na oferta didáctica da FGB.

Este V Claustro Docente FGB compaxinará a formación e o intercambio de experiencias baixo o seguinte programa de intervencións:

11:00 h – Javier Llorente (Adestrador Marín Ence Peixe Galego. LEB Oro): “Construcción ofensiva: do simple ao efectivo”.

12:30 h – Tito Díaz (Adestrador Leyma Basquet Coruña. LEB Oro): “Ataque a Zonas: reacción e respostas”.

17:00 h – Miguel Ángel Ortega (Adestrador Perfumerías Avenida. Liga Feminina): “Empezar a Defender”.

18:30 h – Jota Cuspinera (Adestrador Montakit Fuenlabrada. Liga Endesa): “Espacios e distancias no xogo dinámico”.

Inscrición
Con máis de 70 persoas xa inscritas ata o momento, a área deportiva FGB mantén aberta esta posibilidade para todos os interesados.
A mesma pode tramitarse de xeito gratuíto, completando previamente o único requisito de solicitalo vía mail a través de adestradores@fegaba.com, indicando datos persoais e club de procedencia.

Lembramos que a participación completa neste “V Claustro Docente FGB” poderá validarse por un total de 12 Horas para os alumnos dos Cursos de Adestradores FGB.