Traballo de Tecnificación nas Delegacións Zonais: axenda para este domingo

Renovando visita á vila de Ponteareas, por sexta ocasión nesta temporada, a Delegación en Vigo trazará este domingo sobre a pista do Pavillón Álvaro Pino unha nova xornada de tecnificación, afondando así no obxectivo de potenciar o baloncesto nesta vila, tarefa activa dende o pasado mes de outubro.

Co plan de acción habitual, abrindo a participación dende a categoría premini ata a cadete, a Delegación FGB levará a cabo este Centro de Tecnificación (CETI) coa colaboración dos adestradores Xavier Barra (C.B. Baiona), Jose A. Carrera (C.B. Condado) e Adrián Rodríguez (C.B. Condado).

Súa será a responsabilidade de guiar aos xogadores e xogadoras que comparezan, os que a súa vez serán informados da vindeira celebración, no mes de maio tamén en Ponteareas, dun Torneo – Peche de Temporada.

A convocatoria para este domingo, 22 de abril,reza deste xeito:

Delegación en Vigo – Ponteareas, 22/04/12 – Convocatoria Aberta

Categorías:Preminibasket, minibasket, infantil e cadete.

Sede
Pavillón Álvaro Pino

Horario
10.30 h – 13.00 h

Comparte:

Facebook
LinkedIn
Email
WhatsApp
Telegram