A Fase Final del Liga Feminina 2 conta os seus días para botar a andar e en Lugo, sede desta importante cita para o baloncesto galego, xa se respira en clave de baloncesto. Neste liña, e con este marco de excepción, a primeira das actividades paralelas a ter en conta terá como protagonista aos colexiados galegos.
O Comité Galego de Árbitros, en colaboración directa coa FEB e a súa Área Arbitral, organiza unha sesión técnica da man de Víctor Mas, Instrutor Nacional e membro da Comisión Técnica Mundial de FIBA e Responsable Arbitral FEB.
Coa “Mecánica Arbitral na arbitraxe de dous” como referente, esta cita de Víctor Más cos colexiados galegos está marcada para este mércores, 22 de abril; no Hotel Torre de Núñez, a partir das 20:00 h. A participación será libre, aberta a todos aqueles colexiados ou xogadores, xogadoras e técnicos que desexen escoitar a unha figura tan experimentada como a do Responsable FEB.
Preparando a Fase
O Intercambio de ideas e conceptos entre Víctor Más e os colexiados galegos complementa o traballo previo que o CGAB está a levar a cabo para preparar o seu importante papel ao longo de toda a Fase Final LF2.
Neste caso, e tocando diferentes aspectos deportivos, técnicos e mesmo emocionais, os oficiais de mesa designables para os catro días de competición reuníronse o pasado sábado 18 co Comisario ACB e Técnico CGAB, Alejandro Alcalde. En equipo refrescaron conceptos e solventaron posibles dúbidas.
