O Campionato de España Mini de Seleccións Autonómicas xa ten calendario, emparellamentos e horarios. Do 19 ao 23 de marzo San Fernando (Cádiz) volverá ser a sede do baloncesto futuro.
(Info: Comunicación FEB) Cinco días, catro pistas e case catrocentos xogadores e xogadoras de 11 e 12 anos na súa primeira gran experiencia competitiva no mundo do baloncesto. O Mini 2016 xa está aquí, e o primeiro paso é a publicación do Calendario.
O Pabellón Bahía Sur, as dúas pistas do Pabellón Parque e o Colexio Compañía de María da localidade gaditana de San Fernando repiten nun clásico do baloncesto formativo. As 19 Federacións Autonómicas presentarán ás súas dúas seleccións (masculinas e femininas) para disputar o Campionato de España Mini 2016.
O sábado 19 lanzarase o balón ao aire ás 09:30 horas en catro pistas simultáneamente mentres que o mércores 23 disputaranse as dúas grandes finais: ás 10:00 h a masculina e ás 12:00 h a feminina.
Os grupos serán os seguintes:
MINI MASCULINO:
Grupo A: Canarias, Castilla e León, Madrid, Murcia e Comunidade Valenciana.
Grupo B: Andalucía, Baleares, Cataluña, Galicia e País Vasco (Especial)
Grupo C: Aragón, Ceuta, Estremadura, Melilla e Navarra.
Grupo D: P. Asturias, Cantabria, Castilla La Mancha e La Rioja.
MINI FEMININO:
Grupo A: Aragón, Baleares, Castilla e León, Cataluña e C. Valenciana.
Grupo B: Andalucía, Principado de Asturias, Canarias, Madrid e Navarra.
Grupo C: Cantabria, Ceuta, Galicia, Melilla e Murcia (Preferente)
Grupo D: Castilla La Mancha, Estremadura, La Rioja e País Vasco.
