Obxectivo cumprido por partida dobre. A ledicia chegou este martes á expedición galega e fíxoo para quedarse. Dúas vitorias especiais nos dous encontros desta mañá deixan no peto un ascenso en feminino e unha traballada permanencia en Masculino. Parabéns GALICIA!
En feminino, a selección que lidera Diana Piñeiro rubricou este martes o seu Ascenso a Grupo Especial. Unha valorada vitoria ante Extremadura (76 – 47) materializou este premio nas filas galegas grazas a unhas xogadoras que sumaron como trunfos os seus cinco encontros desputados neste #Mini2016.
Esta recompensa para o noso combinado feminino buscará agora o seu broche de ouro na denominada “Final Preferente”, cita que enfronta aos dous equipos ascensidos a especial que terá lugar mañá, mércores, ante Euskadi a partir das 11:00 h.
Pola súa banda, Galicia masculina defendeu esta mañá con forza ante Murcia (61 – 44) a súa actual praza en Especial. Esta complicada tarefa resolveuse non sen esforzo, pero cun resultado máis que meritorio que confirma o bo estado mental e deportivo do equipo que lidera Javier Cotelo, formación que con esta nova pechou a súa intervención nesta edición do #Mini2016.
Grazas ao gran papel de ambas as nosas Seleccións, e ao seu particular “soño” cumprido, podemos dicir xa que “GALICIA É ESPECIAL”.
Hagstag: #Mini2016 #seleccionsgalegas
Cruces Clasificatorias – 22/03/16
(09:30 h) 4ºB – 5ºA
Galicia – Murcia (Pavillón Parque 2) (61 – 44)
Semifinal Preferente- 22/03/16
(15:30 h) 1ºC – 2ºB
Galicia – Extremadura (Pavillón Parque 1) (76 – 47)
