R.C. Celta Baloncesto retoma este mes de setembro a súa aposta pola “Aula Técnico – Formativa”, actividade dimensionada de xeito aberto a todos os adestradores galegos que se atopen en pleno proceso de aprendizaxe.

A primeira convocatoria deste renovado formato está programada para este mesmo sábado, 26 de setembro; da man do director deportivo de Estudiantes Lugo; Cristino Menor.

O técnico de Ferrol, adestrador superior de sobrada e coñecida experiencia nas pistas e no ámbito FGB, comparecerá no Pavillón de Navia (20:00 h) para afondar cos participantes no eido temático do “Equilibrio na metodoloxía, o adestramento coherente”.

A cita, que compaxinará teoría e adestramento en pista, será de libre acceso para todos os adestradores interesados, ofrecendo a posibilidade de validarse por 4 horas de formación complementaria para os alumnos dos Cursos de Adestradores FGB.

Inscrición

A inscrición para tomar parte nesta “Aula Técnico – Formativa” debe realizarse previamente vía mail con envío de datos a adestradores@fegaba.com