A Federación Galega de Baloncesto cumpre cun paso máis dos remitidos tras a publicación do seu Protocolo FISIOCOVID DXTEGALEGO FGB e, tras diferentes postas en contacto e análise de opcións, procede a recomendar modelos de máscara pensados para acometer a práctica deportiva coa maior das garantías sanitarias tras estudos do seu uso neste ámbito.
Na importante tarefa de ofrecer unha proposta de calidade perfectamente adaptable á competición e que amplíe a marxe de decisión para todas aquelas persoas interesadas, a FGB presenta DÚAS opcións de máscara, cada unha delas pertencentes a diferentes fabricantes:
MÁSCARA DEPORTIVA 42 K 3D-SPORT
Ambos os modelos están avalados por unhas características e especificacións regulamentarias que remitimos en documentos diferenciados para poder consultalos ao detalle.
Así mesmo, todos os clubs recibirán vía mail información completa desta recomendación, así como os datos de contacto de ambas as empresas que comercializan cada unha das máscaras para poder cotexar con elas datos e compras, no caso de estar interesados en adquirilas.
