A Federación Galega, a través da súa Área Deportiva, confirma a posta en marcha dun novo Curso de Iniciación para Adestradores, a celebrar no ámbito da Delegación de Santiago no vindeiro mes de febreiro.

A convocatoria desta acción formativa establécese definitivamente para os días 9, 10, 11 e 12 de febreiro, sendo as instalación do Colexio Peleteiro a sede das aulas, tanto teóricas como prácticas.

Serán un total de 32 horas lectivas nas que se impartirán as materias precisas para o nivel de iniciación. As mesmas repartidas nos seguintes tramos horarios:

09/02/13: de 09.00 h a 14.00 h

10/02/13: de 09.00 h a 14.00 h e de 16.00 h a 20. 00 h

11/02/13: de 09.00 h a 14.00 h e de 16.00 h a 20. 00 h

12/02/13: de 09.00 h a 14.00 h e de 16.00 h a 20. 00 h

Inscrición
Os interesados en coñecer ao completo os requisitos do proceso de inscrición neste curso poden consultar o documento oficial de convocatoria. Igualmente, teñen xa a súa disposición o formulario de inscrición a entregar na delegación zonal de Santiago (delegacionsantiago@fegaba.com e 981 597 920) antes do xoves, 7 de febreiro.

Formulario de inscrición – Cursos de Iniciación 2012 – 2013
Febreiro 2013 – Curso Iniciación: Materias e Profesores.