Segunda concentración para o novo grupo de traballo das Preseleccións Galegas Minibasket. A Área Deportiva FGB cita este domingo, 18 de abril; de novo no Colexio San Narciso, en Marín, a dous novos grupos de xogadores e xogadoras que se exercitarán ao longo de toda a xornada dominical.
Como xa ocorreu na súa primeira concentración, todos os participantes pasarán previamente os correspondentes test serolóxicos e cumprirán as medidas que establece o Protocolo FISICOVID DXTGALEGO – FGB para a realización de adestramentos. Esta será a dinámica a seguir en cada unha das citas que afronten as preseleccións na súa preparación para o Campionato de España, o cal lembramos que terá lugar entre o 25 e o 29 de xuño na localidade de San Fernando, en Cádiz.
As listas oficiais de convocados e convocadas para este domingo, 18 de abril; pode consultarse nos documentos que achegamos.
PreSelección Galega Minibasket Masculina – 18/04/21
PreSelección Galega Minibasket Feminina – 18/04/21
