Nun marco tan especial como a Praza de María Pita e baixo a coordinación de Basquet Coruña, a FEB e a FGB, un total de 41 equipos reuníronse este sábado na Couña para gozar do baloncesto 3×3 dentro do programa Praza 2014 que ten como finalidade a promoción e a práctica do baloncesto a todos os niveis e coa modalidade 3×3 como bandeira.
A competición desde sábado foi ademáis o aperitivo perfecto para a fase final autonómica deste Torneo 3×3 Praza 2014, que se disputará na cidade coruñesa e que trasladará de novo o mellor espectáculo do basket á rúa o próximo 20 de xullo.
Os 41 equipos empezaron a competir ás 10:00 h, repartidos nun total de cinco categorías desde premini ata junior. Todos tiveron oportunidade de disfrutar nas seis pistas instaladas na indicada praza coruñesa, sede que presentou un ambiente espectacular a pesar do clima que non acompañou e que, chegado un punto, obrigou a suspensión do Torneo.
Nese intre, no que se deu por rematada a xornada, os equipos que destacaban polas súas vitorias eran Los ladrones del Básquet (benxamín masculino), Las Basquets (benxamín feminino), Culler-NBA (alevín masculino), Big Three (alevín feminino), BOA (infantil masculino), Las Petus (infantil feminino), Los hombres de Pablo (cadete masculino), Básquet 97 (cadete feminino), Crossover (junior masculino) e Las 3 de Siempre (júnior feminino).
