Ledicia Máxima! A nosa Selección Mini Masculina fai historia nun Campionato de España Minibasket en categoría masculina e pasa a formar parte do seu palmarés cunha traballada e Merecida Medalla de Bronce. O equipo que dirixe Rubén Vigo, man a man con Iago Mariñas e Alejandro Iglesias; rubricou esta mañá ante Aragón (54 – 75) a súa última vitoria neste Campioanto, un trunfo que sabe a bronce.
Resultados e Clasificación Planeta Mini 2022
Revelación na Fase Previa do Grupo Especial, Galicia culminou esta apertura do Campionato cunha única derrota, ante a poderosa Andalucía; e con tres vitorias claras ante Madrid, Valencia e Baleares. Foron tres partidos claves para o seu pase a Semifinais e para comezar a escribir a súa particular historia de final máis que feliz.
O cruce de semifinais ante Cataluña (76 -112) non deparou a mesma sorte para os nosos, pero tras o trago da derrota, abriu o camiño da conquista da que hoxe xa é a súa medalla de Bronce de pleno dereito.
Paco Martín, Presidente FGB, felicitando aos xogadores ao remate da final
Finalmente, chegou este mércores e con el un encontro ante Aragón por un 3 posto que lembraremos no Baloncesto Galego con especial cariño. O esforzo,traballo e desfrute dos nosos xogadores e de toda a expedición que os acompañaba ben o merece. PARABÉNS, GALICIA!
