A Delegación en Ourense vivirá este sábado a clausura da primeira edición da competición 3×3 Preminibasket, formato implantado nesta zona desde o pasado mes de xaneiro.

A totalidade dos participantes, 98 xogadores e 17 adestradores, están citados para unha nova xornada, a que porá o broche a unha iniciativa que non parou de colleitar boas críticas dende a súa posta en marcha.

O Pavillón do Colexio Maristas Ourense será o escenario dos 30 partidos que se disputarán nesta última convocatoria, dende as 10:30 ata as 12:30 da mañá. Os equipos de Padre Feijoo, Carmelitas Vedruna, CD Maceda e Escuela Deportiva Ourense serán os verdadeiros protagonistas, tal e como o viñeron facendo dende o inicio deste formato de competición, sumando para este sábado un acto de clausura e entrega de agasallos que recompensará o seu compromiso para con esta novidosa competición.

A Delegación en Ourense quere agradecer a todos aqueles que fixeron posible esta iniciativa, tanto os participantes directos, os responsables dos clubs, pais e familiares, Colexio de árbitros e todas aquelas persoas que puxeron o seu grao de area para conseguir que os máis novos disfrutasen dunha atractiva e ambiciosa competición, que se agarda que poida ter continuidade.

Nesta ocasión o agradecemento tamén se fai extensivo ao Club Maristas Ourense, que a pesar de non participar deportivamente nesta iniciativa, cede as súas instalacións para poder realizar este fin de festa do 3×3 Preminibasket

“3×3 – Preminibasket” – Calendario Última Xornada.