C.D. San Ciprián e Asociación Cultural Deportiva Xove teñen este sábado, 6 de maio; unha cita co Pequebasket.
En colaboración coa Federación Galega de Baloncesto e o Concello de Xove, e como perfecto aperitivo ao XXXVII Campionato de España de Clubs Júnior feminino que o domingo 7 comeza nas localidades de Burela, San Ciprián e Viveiro; organízase esta xornada de Baloncesto e convivencia para os nenos e nenas máis novos.
Desfrutarán desta experiencia un total de sete clubs: Estudiaste Lugo, Escuelas del Bierzo, CB Burela, CB Ria de Ribadeo, CB Viveiro, CB Burela e os anfitrións de Asociación Cultural deportiva Xove e San Ciprián. Todos están citados ás 10.30 h no Pavillón de Xove.
