(Info: FEB) A localidade gaditana de San Fernando celebrará do 8 ao 12 de abril o Campionato de España Mini de Seleccións Autonómicas, a gran festa do baloncesto de formación, que coñece, desde este mesmo martes, o seu calendario.
Os Pavillóns Bahía Sur, Parque e Compañía de María serán as pistas de xogo do Campionato de España Mini 2017. A primeira fase xogarase desde o sábado 8 ata o luns 10; o martes 11 será o día das cruces clasificatorias para rematar o torneo o mércores 12 coas finais e os partidos polo terceiro posto.
Máis de 450 xogadores e xogadoras participarán nun evento que nos últimos anos rexistrou unha media de case 4.000 visitantes á zona da Bahía de Cádiz, o que se converte desde fai anos nun acontecemento social e económico, cunha alta ocupación hotelera nos días previos á Semana Santa.
No caso galego, o calendario recén publicado depara os seguintes rivais para Galicia na fase previa:
Mini 2017 Masculino – Grupo Especial “B”
Galicia, Euskadi, Cataluña, Castilla León e Andalucía
Mini 2017 Feminino – Grupo Especial “B”
Galicia, Madrid, Euskadi, Andalucía e Canarias
