O tramo decisivo do presente 2014 trae consigo o peche das actividades anuais para a Área Deportiva FGB, cuxo broche chegará coa celebración da 2º xornada do “Claustro Docente FGB”, evento dirixido a todos os adestradores galegos e que, desta volta, ubicará a súa sede na vila de Cambados.
Neste marco, o vindeiro 27 de decembro o Pavillón do Pombal será o escenario dun completo programa de sesións e charlas guiadas por recoñecidos técnicos e para as cales estará aberta a participación.
Baixo o título “ADESTRANDO E APRENDENDO” a Área Deportiva FGB realiza esta convocatoria, dotándoa dun espírito eminentemente práctico e confiando en repetir de novo o éxito da primeira edición do “Claustro Docente”, celebrada el Lugo no pasado mes de xuño.
En plena etapa de culminación de detalles e puntos concretos do programa, adiantamos as bases principais do mesmo, as cales iremos completando a medida que se aproxime a data.
