O CGAB ímplicase no XIV Memorial Miguel Ángel González Estévez

O Comité Galego de Árbitros colabora activamente na celebración da xa tradicional cita de semana Santa que organiza cada temporada A.D. Cortegada.

Na edición deste ano, a disputar os vindeiros días 7, 8 e 9 de abril coa colaboración do Concello de Vilagarcía de Arousa, entre outras institucións; o CGAB estará representado a través de 18 colexiados que, no marco do Memorial, realizarán unha concentración de avaliación, mellora técnica e imprescindible convivencia.

Os árbitros convocados, na súa maioría do Grupo Sub 23 CGAB; estarán acompañados por tres técnicos que supervisarán o traballo dos designados nos encontros que protagonizarán os 22 equipos convidados, 11 en categoría masculina e 11 en feminina.

Promoción Arbitral
Esta colaboración entre Comité Galego de Árbitros e AD Cortegada súmase ademais á sinatura entre ambas as entidades do convenio de colaboración para a promoción da arbitraxe que a FGB activou nesta temporada 2016 2017 no ámbito dos clubs. 

IMG-20170405-WA0009

Este mesmo mércores, 5 de abril, o Director Técnico do CGAB, Miguel Ángel Pérez; e o Vicepresidente do club, Jose A. Gorgoso; rubricaron este documento e expresaron a súa inquietude por empezar a traballar canto antes no obxectivo marcado no mesmo.

Comparte:

Facebook
LinkedIn
Email
WhatsApp
Telegram