O Comité Galego de Árbitros comunica a identidade dos colexiados que representarán á nosa Comunidade nos próximos Campionatos de España de Seleccións Autonómicas Infantil (do 1 ao 5 de abril en Zaragoza) e Minibasket (do 28 marzo ao 1 de abril en San Fernando, Cádiz).
Cinco son nesta ocasión os árbitros que conformarán a identidade galega nestas dúas citas. No apartado Mini, e debutando ambos nun Campionato de España de Seleccións; a designación corresponde a Santiago de La Puerta (Vigo) e Javier Villar (Santiago), os dous integrantes do Grupo 1 GCAB.
En categoría infantil a presenza galega virá da man de tres colexiados adscritos ao Grupo 2 FEB: Adrián Iglesias (Vigo) e Alejandro Pérez (A Coruña), xa con experiencia nesta cita competitiva; e Paula Lema Parga (A Coruña), na que será a súa primeira participación nun Nacional de Seleccións.
