(Info:FEB) Viviron unha temporada na LEB Ouro, e agora os afeccionados da localidade pontevedresa de Marín gozarán dos mellores talentos femininos de menos de 14 anos co Campionato de España Infantil Feminino. 

R.C. Celta Zorka, PIO XI Rosalía e Colexio Mariano Franciscanas serán os representantes autonómicos nesta cita, que se estenderá entre o 11 e o 17 de xuño.

Os Pavillóns de Sequelo, A Raña e San Narciso gozarán dos 32 mellores equipos da categoría coa disputa do Campionato de España Infantil Feminino que hoxe sorteou o calendario na localidade de Marín e que se disputará do 11 ao 17 de xuño.

No acto do sorteo, celebrado no Colexio Inmaculada de Marín, estiveron presentes a Secretaria Xeral para o Deporte da Xunta de Galicia, Marta Míguez; o presidente da Federación Galega de Baloncesto, Francisco Martín Micó; a ex xogadora internacional e directora da Oficina Permanente das Ligas FEB, Elisa Aguilar, o adestrador do Star Center Uni Ferrol, Lino López ou as xogadoras Arantxa Mallou e Sara Gómez.

Os tres primeiros equipos do Grupos A, B, C e D clasificaranse para oitavos de final xunto aos líderes dos Grupos E, F , G e H. A partir de cuartos de final o Pavillón de A Raña será o escenario de todos os encontros. A configuración dos grupos remítese no calendario que se achega. 

Calendario: XXXIII Campionato de España de Clubs Infantil Feminino