Nace o “Basket Surf Camp Razo”

Chega Basket Surf Camp Razo, unha iniciativa de Escola Basket Xiria e Art Surf Camp que pretende combinar lecer, turismo e deporte durante catro días na praia de Razo, en Carballo. A actividade conta coa colaboración da Federación Galega de Baloncesto. 

“Basket Surf Camp Razo” está dirixido a todas aquelas persoas interesadas en mellorar o seu nivel de xogo, abríndoo a calquera xogador ou xogadora, de 10 anos de idade e adiante, que desexe algo máis que un campus de baloncesto habitual. Celebrarase na praia de Razo, na localidade de Carballo; do 9 ao 12 de Abril de 2016; desfrutando das grandes posibilidades desta zona xeográfica. 

A información completa do seu programa diario, así como os pasos a seguir para tramitar a posible inscrición poden consultarse na web oficial do club.

 

Comparte:

Facebook
LinkedIn
Email
WhatsApp
Telegram