O Director Técnico do CGAB participará no Afrobasket 2015 que se celebrará en Túnez do 19 ao 30 de agosto.
(Info: FEB) Logo da súa participación na Copa do Mundo 2014 que se celebrou en España o pasado verán, Miguel Ángel Pérez vivirá unha nova experiencia este verán ao ser designado para dirixir o Afrobasket 2015.
Esta competición celébrase cada dous anos e reúne aos mellores xogadores africanos que compiten nas ligas de baloncesto máis importantes do mundo. Esta será a 28ª edición, que terá lugar do 19 ao 30 agosto en Túnez e Nabeul (Túnez).
A primeira edición do campionato celebrouse en 1962 no Cairo, Egipto, e viu ao país anfitrión proclamarse campión do primeiro título continental.
Mentres que o evento inaugural contou con cinco equipos participantes, paulatinamente foi crecendo ata reunir aos 16 mellores equipos do continente africano: Argelia, Angola, Camerún, Cabo Verde, República Centroafricana, Costa de Marfil, Egipto, Gabón, Mali, Marruecos, Mozambique, Nigeria, Senegal, Túnez, Uganda e Zimbabwe.
Ata a data, Angola é a selección que máis títulos obtivo, conseguindo o triunfo 11 veces en 27 edicións. Egipto e Senegal séguenlle, con cinco títulos no seu haber cada un deles.
Ademais, este ano o Afrobasket 2015 ten si cabo máis importancia, xa que serve como torneo clasificatorio para os Xogos Olímpicos de 2016 de Río de Janeiro.
