Asemblea Xeral FGB: ratificada a Normativa para a temporada 2014 – 2015

A Federación Galega de Baloncesto celebrou este sábado, 14 de xuño, a súa Asemblea Xeral 2014, cita na que se someteu a votación e se aprobou a Regulamentación e Normativa definitiva para as competicións oficiais FGB na temporada 2014 – 2015.

Co gallo da cita asemblearia, a FGB presentou a súa Memoria de Actividades 2013 – 2014, documento que xa se atopa dispoñible para a súa consulta e descarga. 

A Asemblea Xeral FGB, celebrada este sábado 14 en Santiago de Compostela, procedeu, en función da orde do día, a someter a votación, coa súa aprobación posterior, as emendas ao Regulamento Xeral FGB, así como ás Normas para as Competicións oficiais.

Aprobadas por Unanimidade no marco desta Asemblea, as Bases de Competición FGB 2014 – 2015 pasarán a estar dispoñibles ao longo desta semana a través da web.

Memoria de traballo
A Asemblea Xeral 2014 serviu tamén como resumo perfecto ao traballo levado a cabo pola Federación Galega de Baloncesto nas súas diferentes áreas de acción.

Esta compilación veu encabezada polo Informe 2013 – 2014 do Presidente FGB, Francisco Martín, que trasladou as súas impresións sobre o avanzado nas diferentes facetas: Deportiva, Arbitral, Competitiva, de Tecnificación e Social.

DSC 0561

Pola súa banda, o Director Técnico do Comité Galego de Árbitros, Miguel Ángel Pérez; e o Responsable da Área Deportiva, Carlos Colinas; completaron esta presentación oficial aproveitando a súa quenda de palabra para analizar o devir da temporada 2013 – 2014 no seu ámbito correspondente.

O contido destas tres intervencións, así como os datos oficiais (campións Ligas e Copas e estatísticas deportivas e arbitrais, entre outros) que emana a temporada 2013 -2014 poden consultarse na Memoria FGB 2013 – 2014, informe anual que xa se pode descargar.

Informe FGB 2013 – 2014: bloque 1
Informe FGB 2013 – 2014: bloque 2

Comparte:

Facebook
LinkedIn
Email
WhatsApp
Telegram