A Master Senior League continúa o seu curso co liderado indiscutible do Policlínica Patricio Serqueira. A competición de baloncesto 3×3 para maiores de 30 anos ten no pavillón Fexdega de Vilagarcía o seu lugar de xogo grazas á colaboración prestada pola Federación Galega para levar a cabo co obxectivo de que se estenda a idea desta competición pioneira no maior número de cidades galegas.
Trece xornadas disputadas e trece vitorias é o impoluto balance do actual líder dunha competición que conta con trece equipos participantes e case un centenar de xogadores que gozan do deporte que practicaron desde sempre nun ambiente que conxuga deporte, diversión e bo ambiente. O “Rock Bar Miudo” séguelle os pasos na táboa cun balance de 11 triunfos e 3 derrotas, lixeiramente por diante na táboa de Te lo Reservo-6,25 e do Andaina-Estrella Floja, ambos a só un partido dese segundo posto.
Cocinas Santos, A Despensa-Os Remolóns e Pastelería Yoli- Classic Team están situados na zona media da clasificación mentres que por baixo aparece un múltiple empate a 4 triunfos e 10 derrotas formado por Tintorería Ría de Arousa-Pub Sold Out, Pub La Bolsa, Churrabasket- MoBu Deportes, Soher Slam Basket e Chantre- Alvamar. Pecha a táboa o Duende – Angry Cats cun balance de 2-12.
