Con esta designación a FGB, con tres Campionatos de España a celebrar no seu territorio nesta 2013 – 2014, consolídase como a Federación Autonómica líder na organización deste tipo de eventos, que teñen ao Baloncesto Base como auténtico protagonista
A Comisión Delegada da Federación Española de Baloncesto, tras a análise e revisión dos informes pertinentes, comunicou esta mesma tarde de venres, oito de novembro, a designación do Concello de Marín, en colaboración coa Federación Galega de Baloncesto, como organizador do Campionato de España Júnior Masculino.
32 equipos, case 400 xogadores e un movemento de más de 3.000 personas visitarán Marín entre o 11 e o 17 de maio, datas establecidas para o citado Campionato. Cifras que suporán un importante impacto deportivo e económico para un experimentado Concello, responsable xa en 2013 da organización deste mesmo campionato, e en 2012 desta cita nacional na súa categoría Cadete.
A localidade pontevedresa volve a ser pois, por terceiro ano consecutivo, escenario dun Campionato de España de categoría base, circunstancia que denota a confianza da Federación Española de Baloncesto en Galicia e na súa Federación Autonómica.
A nosa Comunidade será, de feito, protagonista en 2014 de tres dun total de seis Campionatos de España en Categorías Base: o indicado júnior masculino, e os dous Campionatos xa anunciados para a categoría infantil masculina e feminina, a disputar, entre o 15 e o 21 de xuño, en Cambados e Pontevedra, respectivamente.
Pola súa banda, os restantes Campionatos de España celebraranse baixo as seguintes designacións:
Campionato de España Junior Femenino: do 11 ao 17 de maio. Guadalajara (FBCM)
Campionato de España Cadete Masculino: do 25 ao 31 de maio. Federación Aragonesa de Baloncesto
Campionato de España Cadete Femenino: do 25 ao 31 de maio. Tenerife (FCB)
