A conta atrás para a disputa dos Campionatos de España Infantís de clubs bota a andar. E Galicia será a protagonista. 

No apartado masculino, a cidade de Lugo, coa colaboración do Concello de Sarria; será a sede oficial da cita nacional, a cal se estenderá do 12 ao 18 de xuño, contando para a mesma coa presenza dos 32 mellores equipos nacionais da categoría nesta temporada 2015 – 2016.

A celebración deste Campionato de España en terras lucenses formalizouse esta mesma mañá mediante a sinatura oficial de todas as partes implicadas e mobilizadas para converter Lugo, unha vez máis, en toda unha provincia referencia en Baloncesto.

O pistoletazo de saída para esta edición 2016 do Campionato, que traerá consigo un impacto social e económico de alto calado, contou co apoio e impulso do Vicepresidente da Deputación de Lugo, Antonio Veiga; o Concelleiro de Deportes do Concello de Lugo, Miguel Fernández; a alcaldesa de Sarria; Pilar López; e o seu Concelleiro de Deportes, Efrén Castro.

A nivel deportivo, representando aos organizadores, compareceron tanto o Presidente de Estudiantes Lugo, Jesús Lázare; e o máximo mandatario do CB Sarria, Francisco García.

Xunto a todos eles o Presidente FGB, Francisco Martín; deu a benvida a un Campionato que volve a situar a Galicia como referencia baloncestística a nivel estrutural.