Lugo acollerá do 15 ao 17 de setembro a Copa Galicia de Baloncesto Sénior Masculina

  • Río Breogán disputará unha das semifinais fronte a Club Ourense Baloncesto e Monbus Obradoiro o fará fronte a Leyma Coruña.

A cidade de Lugo reunirá a elite do baloncesto galego masculino os días 15 e 17 de setembro, coa disputa da edición número 37 da Copa Galicia Sénior Masculina.

Esta nova cita coa Copa vivirase no Pazo dos Deportes, baixo a organización da APSX Sagrado Corazón, e levará tamén consigo á cidade da muralla un nutrido grupo de actividades paralelas que completarán unha fin de semana de puro Baloncesto Galego.

O sorteo de calendario da competición realizouse esta mañá na sede central da Federación Galega de Baloncesto deparando unhas semifinais que enfrontarán na xornada do 15 de setembro a Río Breogán vs Club Ourense Baloncesto e a Monbus Obradoiro vs Leyma Coruña.

A final, cos vencedores de ambos os encontros, queda marcada para o domingo, 17 de setembro. Os horarios para ambas as datas de xogo están por determinar.

Venda de Entradas

O proceso de venda de entradas e o prezo das mesmas farase público por parte da organización en próximos días.

Comparte:

Facebook
LinkedIn
Email
WhatsApp
Telegram