Leyma Natura convértese en novo patrocinador da Federación Galega de Baloncesto. A marca láctea galega comprométese co Baloncesto Federado Autonómico para trasladarlle ao mesmo os seus valores e compromiso co esforzo e o traballo.

Federación Galega de Baloncesto e Leyma Natura unen os seus camiños mediante a sinatura dun convenio que se estenderá durante a vixente temporada 2021 -2022.

Aposta polo Deporte Feminino
Dentro deste acordo de colaboración o apoio de Leyma Natura radicará especialmente no Baloncesto Feminino en categorías de formación, dando o seu nome á Liga de Primeira División Infantil Feminina, composta por un total de 16 equipos de toda Galicia.
Leyma Natura trasladará así as xogadoras galegas máis novas o seu alento e a súa paixón polo Baloncesto, a cal xa ven amosando dende diferentes accións e perspectivas durante estes anos.