#KDTINF2022 – 11/04/22: Remata a Fase de Grupos
CANLE FEB: Encontros en directo
Infantil Feminino – Grupo Especial B
Aragón, Madrid, Cantabria, Cataluña e Galicia.
(09:30 h) Galicia – Cataluña (42 – 87)
(17: 30 h) Madrid – Galicia (68 – 70)
Cadete Feminino – Grupo Especial A
Asturias. Castilla y León, Cataluña, País Vasco e Galicia.
(15:30 h) Cataluña – Galicia (58 – 46)
Bo inicio do partido para as nosas cadetes. Comezaron moi concentradas e con moito acerto pese ao atraso de hora de comezo do partido. As xogadoras de Nacary asinaron un primeiro cuarto notable, cunha boa anotación e cunha defensa moi activa que deixou os primeiros 10 minutos cun parcial 11-19 para Galicia.
Certos erros defensivos, xunto coa dificultade galega para facerse co rebote, foron aproveitados por Cataluña para darlle a volta ao marcador e poñerse por diante de xeito definitivo. A pesar de todo, boa actitude das galegas que loitaron o partido ata o final.
Cadete Masculino – Grupo Especial A
Andalucía, Aragón, Illas Baleares, Madrid e Galicia.
(09.30 h) Aragón – Galicia (76 – 92)
Galicia sumou a súa primeira vitoria no Campionato basando o seu xogo nunha intensidade defensiva, combinada cun alto nivel de acerto, que lle permitía chegar cunha boa renda ao descanso. Ao regreso dos vestiarios Aragón recuperou folgos e apretou as distancias. Ambos os equipos continuaron rexistrando alternancias no marcador, ata que xa entrados nos últimos minutos Galicia soubo sacar o proveito preciso do seu acerto fronte ao aro.
