O día 9 de agosto ás 13:00 horas rematou o prazo establecido para cubrir as vacantes e completar así as distintas ligas sénior autonómicas.
Unha vez rematado o prazo concedido para cubrir as vacantes existentes nas distintas ligas sénior, estas quedan da seguinte forma:
A 1º División Sénior Masculina disputarase esta temporada con 13 equipos xa que non se cubriron a totalidade das prazas vacantes, ocupando dúas delas o Recimil e o Estudiantes Leyma Natura.
A 1º División Autonómica Feminina contará con once equipos, cubrindo unha das dúas vacantes existente o Maristas Coruña.
A 2º División Sénior Masculina non cubriu a totalidade das vacantes, polo que serán 22 os equipos inscritos para esta temporada. Así os equipos Cruz Alta, Carballo Basket e O Grove participarán nesta tempada na citada categoría.
Na circular que se achega pódense comprobar todos os equipos inscritos para esta nova temporada.
