Club Carmelitas Vedruna organiza a III edición do seu Campus avanzado de baloncesto “Só Básquet 100%”. A actividade celebrarase entre os días 24 e 30 de xuño nas instalacións do Polideportivo Vedruna, na cidade de Ourense.

Este III Campus avanzado de baloncesto “Só Básquet 100%” contará coa dirección técnica de Ángel Navarro e a colaboración de dous adestradores de auténtico nivel: Diego Ocampo e Juan Norat. Xunto a eles, os participantes da convocatoria poderán traballar o tiro como fundamento básico do seu xogo, así como incentivar hábitos colectivos e individuais que optimicen a súa figura como xogadores. Esta formación concreta completarase con actividades de 1×1, 3×3 ou de habilidade, entre outras. 

Información

Os interesados en obter información relativa a esta III edición ou entrar en contacto coa coa organización do Campus, cuxas inscricións se tramitan por invitación, poden facelo através da propia páxina web oficial do club: www.ccvedrunaourense.com