O CD Galogrin estrea competición neste mes de abril. O clube adscrito á Delegación santiaguesa da FGB organiza o vindeiro día 9 o seu I Torneo de Minibasket “Concello de Teo”, cita que ten ás categorías premini e minibasket como referente.
Neste evento amigable, e co obxectivo de promocionar a práctica do Baloncesto no Concello de Teo, participarán o anfitrión, CD Galogrín; Marín Peixe Galego, EDM Estrada e Salceda de Caselas.
Un total de 100 participantes farán desta data un día de convivencia e festa do baloncesto, que terá como epicentro o Pavillón Municipal dos Tilos.
