A Federación Galega de Baloncesto presentou en sociedade este xoves, 20 de febreiro; da man do seu Presidente, Francisco Martín Micó; o catálogo de actividades para a promoción do mundial: “GALICIA 2014. Imos pola Copa”.

Francisco Martín, enfatizando a ilusión e esforzo coa que a FGB acomete este proxecto, deu a coñecer o total de 15 eventos que se levarán a cabo en Galicia de xeito paralelo ao Mundial 2014 e que, grazas á colaboración da FEB e das diferentes institucións, Clubs e Concellos, permitirán sentir moi de preto o espírito mundilista na nosa Comunidade Autónoma.

O principal representante FGB quixo agradecer a todo o Baloncesto Galego o seu apoio a esta iniciativa e, de xeito primordial, salientou publicamente o compromiso da FEB para con Galicia. “Quero poñer en valor o interese que puxo o Presidente FEB, ao cal quero darlle as gracias publicamente. Por suposto, tamén ao Secretario Xeral para o Deporte, en quen atopamos o apoio necesario para levar a cabo este calendario de actividades que poñemos en marcha xa a partir deste domingo 23 de febreiro coa II Xornada de Harmonización do Minibasket Galego”

Tanto José Luis Sáez, como o Secretario Xeral para o Deporte, José Ramón Lete Lasa; presentes neste acto, recolleron estas palabras, as cales fixeron súas de xeito recíproco.

Coas estas verbas, e convidando a todos os galegos a vivir intensamente “GALICIA2014”, Francisco Martín deu o pistoletazo de saída a unha presentación oficial “GALICIA 2014” na que tamén se contou co cariño, profesionalidade e infinita paixón que por este deporte senten Jorge Garbajosa e Fernando Romay.

Presentación “GALICIA 2014. Imos pola Copa”: Galería de Imaxes

GALICIA 2014: Imos pola Copa”: catálogo de actividades