Francisco Martín Micó continuará como Presidente da Federación Galega de Baloncesto. A entidade federativa celebrou esta tarde en Compostela a súa Asemblea Extraordinaria na que se materializaron as Eleccións á Presidencia coa súa candidatura como a única definitiva presentada.

Francisco Martín revalida o seu cargo por terceira vez consecutiva, sumando así oito anos xa cumpridos a fronte do Baloncesto Galego e cun mandato de catro por diante, o cal realizará acompañado dunha renovada Comisión Delegada elixida tamén esta mesma tarde coa participación dun total de 41 asembleistas dos 72 convocados.

Neste caso, a votación para cada estamento completouse con seguintes membros:

Adestradores: Javier Cotelo Rama.

Árbitros: Daniel López Illán.

Clubs: Obradoiro CAB, CB Breogán e CB Fundación Acea da Ma.

Xogadores: Jose A. Vázquez Vázquez.

Este organismo da Comisión Delegada sumará ademáis tres novos membros, neste caso elixidos directamente polo novo Presidente e cuxas identidades, que serán definitivas cando este tome posesión; corresponden a Basquet Coruña e CB Arxil, polo apartado de Clubs; e a Jorge López Mosquera polo estamento de Adestradores.