Nova incorporación ao contido do “IV Claustro Docente FGB” na nosa canle de Youtube: “FGBRetransmisións”.

A nosa plataforma audiovisual incorpora este xoves, tres de marzo, a terceira das charlas técnicas impartidas no marco do indicado claustro, celebrado en Celanova o pasado decembro de 2015.

Uníndose ao material xa publicado engádese a intervención protagonizada polo técnico Andrés Cadahía baixo o título “Decisións ofensivas cerca do aro”.

Este novo material, ao que xa se pode ACCEDER AQUÍ, completarase en vindeiras datas do presente mes coa derradeira charla do “IV Claustro Docente FGB” que resta por facerse pública: Carlos Maceiras – “Asociar o xogo desde a táctica individual”.