A Delegación en Ferrol FGB activa a formación para adestradores na súa zona a través da posta en marcha dun novo curso de iniciación, programado para celebrarse, íntegramente, na cidade departamental o vindeiro mes de xuño.
As aulas da actividade estenderanse durante dúas fins de semana, cumprindo as 32 horas lectivas marcadas para a formación no seu nivel de iniciación. As datas exactas destas xornada, así como a sede concreta do curso comunicaranse en vindeiros días.
Inscrición
Os interesados en consultar os detalles que irán completando esta convocatoria poden facelo a través da propia delegación, cuxa rede de contacto permanece aberta a través do enderezo delegacionferrol@fegaba.com. Os responsables deportivos zonais, encargados da xestión e organización desta actividade, atenderán as posibles dúbidas ou cuestións.
Igualmente, os alumnos que desexen tramitar directamente a súa participación poden facelo pola mesma vía, achegando o formulario de inscrición preciso e aboando a cota correspondente (200 euros).
